कपिल अज्ञातका पाँच मुक्तक

१
देखे जति पुस्तकभित्र पढ्न सकिँदैन
भेटे जति शत्रुसँग लड्न सकिँदैन
मनलाई तनले पनि साथ दिन प¥यो
सोचेजति शिखर चढ्न सकिँदैन।
२
मुक्तकमा वेग हुनुपर्छ, संवेग हुनुपर्छ
प्रतीक–विम्बमै पनि अर्थको भेग हुनुपर्छ
चतुष्पदमै रामायण–महाभारत बोल्न सक्ने
सारमा गर्जेर वर्षिने प्रकृतिको मेघ हुनुपर्छ।
३
कलाकारले कति सुन्दर चित्र बनाएको छ
यही कलाले पशुलाई पनि मित्र बनाएको छ
त्यसैले सिर्जन कलामा ठूलो शक्ति छ भन्छन्
कलाले नै संसार विचित्र भित्र बनाएको छ।
४
राजनीतिमा कस्तो यो व्यवहार भएको छ
योजना प्रचार नभई गाली प्रसार भएको छ
देश कसरी बनाउने भन्ने कसैका कुरा छैनन्
मानौँ उम्मेदवार नै विपक्षीको जार भएको छ।
५
उडाएपछि परेवा आकाशमा बाज हुन्छ नै
भएपछि भेडाबाख्रा जङ्गलीराज हुन्छ नै
रोजगारबिना गाउँ के देशै सिद्धिन्छ भोलि।
बसेर मागिखान जल्लाई नि लाज हुन्छ नै।