शंकर भुसालले गरे एनआरएनए कान्साई मा उप-संयोजक पदको उम्मेदवारी दिने घोषणा

जापानको क्योतोमा बसोबास गर्दै आएका समाजसेवी शंकर भुसालले गैर आवासीय नेपाली संघ (एनआरएनए) जापान अन्तर्गत कान्साई क्षेत्रीय समितिको २०२५–२७ कार्यकालका लागि सह-संयोजक पदमा उम्मेदवारी दिने घोषणा गरेका छन्।

पाल्पा जिल्लामा जन्मिएर हाल नवलपुरको मध्यबिन्दु नगरपालिकामा स्थायी ठेगाना भएका भुसाल सन् २०१३ मा अध्ययनका लागि जापान आएका थिए। ओकिनावामा १ वर्ष ६ महिना, कोबेमा ४ वर्ष र हिरोशिमामा २ वर्ष बसेर अध्ययन गरेपछि उनी सन् २०२१ मा क्योतो आए। हाल उनी क्योटोमै रही जापान सरकारबाट मान्यता प्राप्त ( 介護福祉士) Care worker भै नर्शिंग होम कम्पनिमा  कार्यरत छन्।

शंकर भुसाल २०१५ देखि २०२१ सम्म नेपाली विद्यार्थी समाज जापान (नेसाज) मा कान्साई प्रमुख, सह-सचिव र उपाध्यक्षका रूपमा सक्रिय रहँदै विद्यार्थीहरूको हकहितमा निरन्तर क्रियाशील रहे। त्यसपछि उनले २०२१–२३ कार्यकालमा एनआरएनए जापान कान्साई क्षेत्रीय समितिमा सदस्य र २०२३–२५ मा सह-सचिवको भूमिका निर्वाह गरे।

“२०१५ देखि आजसम्म जापानमा बसोबास गर्ने नेपाली विद्यार्थी तथा समुदायका सदस्यहरूको सुख–दुखमा साथ दिँदै आएको छु। अब सह-संयोजकको भूमिकाबाट अझ प्रभावकारी रूपमा काम गर्ने चाहना र प्रतिबद्धताका साथ उम्मेदवारी दिएको हुँ,” भुसालले बताएका छन्।

उनको उम्मेदवारीले कान्साई क्षेत्रमा बसोबास गर्ने नेपाली समुदायमा उत्साहको माहोल सिर्जना गरेको छ। विद्यार्थीदेखि पेशाकर्मीहरूसम्म संखर भुसालप्रति सकारात्मक समर्थन देखिएको छ।