लाक्पा दोङ तामाङ: जापानमा संघर्ष र भोगाइको कथा

नेपालको हरियालीले सजिएको ठोरी अठघरे-५ मा जन्मिएका लाक्पा दोङ तामाङको जीवन एउटा काव्यजस्तो प्रतीत छ—जहाँ संघर्षका हरफहरू र सफलताका गाथाहरू संगालिएका छन्। ग्रामीण भेगको स्वच्छ हावामा हुर्किएका लाक्पाले जीवनलाई केवल सपनामा सीमित राखेनन्, ती सपनालाई यथार्थमा बदल्ने साहस देखाए।

जस्तोसुकै कठोर परिस्थिति किन नहोस्, लाक्पाको आत्मविश्वास अटल रह्यो। ठोरीका उबड-खाबड बाटाहरूमा पाइला चाल्दै उनले जीवनलाई बुझ्ने सीप सिके।

शिक्षा, उद्यमशीलता, र समुदाय सेवामा आफूलाई समर्पित गर्दै, उनले जापानजस्तो प्रतिस्पर्धात्मक भूमिमा आफ्नो पहिचान मात्र स्थापित गरेनन्, हजारौं नेपालीलाई जीवनको कठिनाइलाई अवसरमा बदल्ने प्रेरणा पनि दिए। जस्तोसुकै कठोर परिस्थिति किन नहोस्, लाक्पाको आत्मविश्वास अटल रह्यो। ठोरीका उबड-खाबड बाटाहरूमा पाइला चाल्दै उनले जीवनलाई बुझ्ने सीप सिके। त्यो सीपले उनलाई परदेशको चकमन्न सडकहरूमा पनि आफ्नो पहिचान खोज्न बलियो बनायो। गाउँको माटोको सुगन्धले उनलाई जीवनको अर्थ सिकायो, र जापानको अनुशासनले त्यो अर्थलाई निखार्ने अवसर प्रदान गर्‍यो। लाक्पाको बाल्यकाल नेपालमा बित्यो। प्रारम्भिक अध्ययनपछि, १६ वर्षसम्म भारतको दार्जिलिङको खारसङमा आफ्नो माध्यमिक र उच्च माध्यमिक शिक्षा पूरा गरे।

उच्च शिक्षा अध्ययनको खोजीमा २०१६ को अक्टोबर २ मा जापानको कुमामोतोमा आए। जापान प्रवेश गर्दा भाषा, संस्कृति, र यहाँको कठोर नियमले चुनौती सिर्जना गरे पनि, उनले हरेस खाएनन्। कुमामोतोमा बस्दै गर्दा उनले शिक्षा र कामको सन्तुलन राख्दै आफूलाई जापानको व्यस्त जीवनशैलीमा ढाल्न सक्षम भए। जापानमा बसोबास गर्ने नेपाली समुदायको समस्यालाई समाधान गर्ने उद्देश्यले उनले २०२० मा कुमामोतो नेपाली समाज स्थापना गरे। यो समाजको पहिलो अध्यक्षका रूपमा उनले धेरै सामाजिक र सांस्कृतिक गतिविधिहरूको नेतृत्व गरे। अहिले पनि समाजले नेपालीहरूलाई एकताबद्ध गर्दै, सांस्कृतिक पहिचान जोगाउन, र समुदायभित्रका समस्याहरू समाधान गर्न मद्दत गरिरहेको छ। लाक्पाको नेतृत्वमा, नेपाली समुदायले आत्महत्या जस्ता गम्भीर समस्याहरूलाई सम्बोधन गर्दै ठूलो सहयोग पाएको छ। २०२४ मा एक नेपाली विद्यार्थीको अप्रत्याशित निधनपछि, मृतकको शवलाई नेपालसम्म पुर्‍याउने कार्यमा उनले भोगेका र देखेका अफ्ठाराहरु सुनाउदै अहिले पनि भक्कानिन्छन्।

लाक्पाले उद्यमशीलताको क्षेत्रमा पनि आफूलाई उभ्याएका छन्। उनी  ‘合同会社ANISA ‘Spice Land and Asian Mart का ओनर  हुन्। यो पसलले नेपाली समुदायका साथै अन्य विदेशी समुदायलाई खाद्य सामग्रीको सहज पहुँच उपलब्ध गराउँदै आएको छ। त्यसैगरी, उनी ディスカバリー日本語塾／日本語学校 मा Nepali Representative Counselor का रूपमा कार्यरत छन्। यहाँ उनले नेपाली, हिन्दी ,बङ्गाली, अंग्रेजी, र जापानी विद्यार्थीहरूलाई व्यक्तिगत, शैक्षिक, र मानसिक स्वास्थ्यसम्बन्धी समस्याहरू समाधान गर्न परामर्श दिने गरेका छन्।

जापानमा बसोबास गर्ने धेरै नेपालीहरू भाषा र सीप अभावको कारण सीमित क्षेत्रमै रहन्छन्। तर, लाक्पाले आफ्ना कदमहरूलाई परिश्रम र लगनशीलताको उदाहरण बनाउँदै समुदायमा सकारात्मक प्रभाव पारेका छन्। उनले नेपाली युवाहरूलाई अध्ययन र कामलाई सन्तुलनमा राखेर जीवनलाई सफल बनाउने सुझाव दिन्छन्। उनी भन्छन्, “शिक्षा र आत्मनिर्भरता नै परदेशमा सफलताको मुख्य आधार हो।” जापानमा रहेका बेला उनले आफ्नो गाउँ, परिवार, र नेपालप्रतिको गहिरो माया कहिल्यै भुल्न सकेनन्।

आफ्ना बाल्यकालका सम्झनाहरू, परिवारसँगको समय, र गाउँघरको वातावरण उनलाई सधैं प्रेरित बनाईनै रह्यो। लाक्पा आफ्नो व्यक्तिगत सफलताभन्दा ठूलो उद्देश्यमा केन्द्रित छन्। उनले नेपाली समुदायको मानसिक स्वास्थ्य, आत्मनिर्भरता, र शैक्षिक उन्नतिका लागि काम गर्न निरन्तरता दिने योजना बनाएका छन्।