सेभेन सामुराई प्रिमियर लिग आयोजना हुँदै

युनाइटेड क्रिकेट क्लबको आयोजनामा पहिलो संस्करणको सेभेन सामुराई प्रिमियर लिग (UPL) सिजन १ आगामी चैत ९ र १० (मार्च २२ र २३, २०२५) मा फुजी अन्तर्राष्ट्रिय क्रिकेट ग्राउन्ड मा आयोजना हुँदैछ। सामुराई प्रीमियर लिगमा ८ उत्कृष्ट टोलीहरू सहभागी हुनेछन्, जसले खेललाई थप रोमाञ्चक बनाउनेछ।

जापानमा रहेका नेपाली क्रिकेटप्रेमीहरूका लागि यो लिग खेलाडीहरूको प्रतिभा अवलोकन गर्ने शानदार अवसर बन्नेछ। यस प्रतियोगितामा विजयी टोलीहरूका लागि आकर्षक पुरस्कारको व्यवस्था गरिएको छ। पहिलो स्थान हासिल गर्ने टोलीले ¥२५०,००० नगद, ट्रफी, र मेडल प्राप्त गर्नेछ, भने दोस्रो स्थान प्राप्त गर्ने टोलीले ¥९९,९९९ नगद, ट्रफी, र मेडल जित्नेछ। तेस्रो स्थानमा रहने टोलीलाई विशेष मेडल प्रदान गरिनेछ।

प्रतियोगितामा प्रतिस्पर्धी टोलीहरूले उच्चस्तरीय क्रिकेट प्रदर्शन गर्ने भएकाले खेलाडीहरूका लागि यो लिग आफ्नो क्षमता प्रमाणित गर्ने महत्वपूर्ण अवसर बन्नेछ। क्रिकेटप्रेमीहरूका लागि यो लिग रोमाञ्चक अनुभव बन्नेछ, किनभने यसमा सहभागी टोलीहरू बीच कडा प्रतिस्पर्धा देख्न पाइनेछ। नेपाल तथा जापानमा रहेका खेलप्रेमीहरूको जोडबल बढ्दै गइरहेको अवस्थामा, यस्तो प्रतियोगिता क्रिकेटको लोकप्रियता बढाउने महत्त्वपूर्ण पहल बन्न सक्छ। थप जानकारीका लागि आर. राजेन्द्र राजगुरु (०८० ३६२८ ७४४५) वा सागर सिंह (०८० ५४५७ ८०६५) लाई सम्पर्क गर्न सकिन्छ।