जापानमा छात्रवृत्ति लिने आधाभन्दा बढी विद्यार्थीका परिवार कहिलेकाहीं खान नपाउने अवस्थामा

टोकियो ,जापानमा छात्रवृत्ति प्राप्त गर्ने विद्यार्थीहरूका धेरैजसो परिवार आर्थिक कठिनाइमा परेका छन्। हालै गरिएको एक सर्वेक्षणले  छात्रवृत्ति पाउने परिवारमध्ये करिब ५६ प्रतिशतले कहिलेकाहीं खान पर्याप्त खर्च जुटाउन नसक्ने अवस्था भोगिरहेका छन् ।

ओसाकास्थित गैरनाफामूलक संस्था D×P ले गरेको अनलाइन सर्वेक्षणका अनुसार, छात्रवृत्ति लिने विद्यार्थीहरूमा ९१ प्रतिशतले महँगीका कारण आफ्नो दैनिक जीवनमा समस्या आएको बताएका छन्। झन्डै २० प्रतिशतले आफ्नो अवस्था “गम्भीर” भएको बताएका छन्।

खाद्यान्न र अन्य आवश्यक वस्तुको मूल्य लगातार बढ्दै जाँदा विद्यार्थीहरूले खाना छोड्ने, सस्तो वस्तुमा निर्भर रहने, वा भाडा तिर्नका लागि भोजनमा कटौती गर्ने अवस्थासम्म पुगेका छन्। सर्वेक्षणमा सहभागी ६५ प्रतिशतभन्दा बढीले भनेका छन् कि दैनिक खर्च विशेषगरी खाद्य खर्च अत्यधिक बढेको छ।

विशेषज्ञहरूका अनुसार, यस्तो अवस्था दीर्घकालीन रूपमा विद्यार्थीहरूको मानसिक र शैक्षिक जीवनमा नकारात्मक प्रभाव पार्न सक्छ। उनीहरूले सरकारले छात्रवृत्ति प्रणाली र जीवनयापन सहयोग योजनामा सुधार गर्नुपर्ने सुझाव दिएका छन्।